Plataformako kideek prentsa ohar bidez azaldu dutenez, ulertezina iruditzen zaie Durangoko udalak herritarrei leku publiko batean gerrako materialen erakusketa baimentzea. "Durangoko udalak, antolakuntzari Parque Vuelta kokatzeko baimena eman zionean, honen ez zuela izan pentsatu nahi dugu", adierazi dute plataformako kideek.
Horrez gain, plataformako kideak armen industriaren kontra daudela adierazi dute. "Armen industriaren eta negozio hiltzaileen aurka gaude eta pertsona askoren ihesaldiaren eta sufrimenduaren erantzule zuzenak diren armen erakusketa hau irmoki salatzen dugu", esan dute. Bestalde, giza eskubideak errespetatzen diren mundu baten alde daudela adierazi dute.
