Astoagaz dabilen turista bat agertu da Durangon

Argazkia: Julian Rios

Eguneko bitxikeriaren lekuko Julian Rios zinegotzia izan da (Herriaren Eskubidea). Madalena inguruan egin du topo beragaz, eta Turismo Bulegoa non dagoen galdetu dio ezohiko turistak.

Riosek azaldu du turista era atseginean hurbildu dela beregana, eta amaieran euskaraz, gazteleraz eta frantsesez eman dizkiola eskerrak. Astoa lagun duela, oinezean ikusi du Riosek Durangotik. Turismoa egiteko antzinako erak mantentzen dituenik ere badago oraindik beraz.