Jatorri errumaniarra duen basauritarrak Durangoko zentroa aukeratu du bere prestakuntza lantzeko. 15 egun intentso izan dira eta alderdi fisikoa ez ezik, bere zelaiko kokapenak —ezker hegala— eskatzen dituen gaitasun teknikoak hobetzeko ariketak ere egin ditu. Zentroan egindako lana Abadiñoko Astola futbol zelaian egindako saioekin osatu du.
Entrenamendu plangintza pertsonalizatuak ez ezik, kirol eta osasun ikuspuntuko esfortzu probak eta lesio baten osteko berregokitze prozesuak dira Ekanak eskaintzen dituen beste zerbitzuetako batzuk. Batez ere, futbolariekin aritzen dira, Bigarren B Mailako eta Hirugarren Mailako jokalariekin, baina beste hainbat kiroletatik ere jotzen dute eurengana, triatloietatik zein korrikako modalitateen mundutik, besteak beste.