anboto.org

'Maitatzea ez da delitua', Afrikatik datorren deiadarra

  Gizartea  Durango

Amnistia Internazionala erakundeak erakusketa bat ipiniko du Durangon datozen asteburu bietan, udalagaz elkarlanean. Maitatzea ez da delitua, gure borroka Afrikanizenburuko erakusketa da, kontinente hartan LGTBI mugimenduaren eskubideen alde lanean dabiltzanak protagonista dituena, 27 argazkitan.

Adibidez, Amnistia Internazionaleko Aimar Rubiok kontatzen duenez, Ugandan homosexualen aurkako lege bat ezarri gura zutenean, presio sozialaren ondorioz auzitegi konstituzionalak atzera bota zuenekoa erakusten da argazki batean. Beste batean, Hegoafrikan eraildako Noxolo Nogwaza lesbiana da ardatza.

Rubiogaz batera Aitziber Irigoras alkatea, Pilar Rios alkateordea eta Ion Andoni del Amo EH Bilduko zinegotzia egin ziren erakusketaren aurkezpenean.

 

EGITARAUA

Uztailak 12: 19:00etatik 21:00etara, Andra Mariko elizpean.

Uztailak 13: 19:00etatik 21:00etara udaletxeko atarian.

Uztailak 14: 11:30etik 13:30era, Andra Mariko elizpean.

Uztailak 19: 19:00etatik 21:00etara, Andra Mariko elizpean.

Uztailak 20: 19:00etatik 21:00etara, udaletxeko atarian.

Uztailak 21: 11:30etik 13:30era, Andra Mariko elizpean.

Erantzunak

Erantzuna | #1

Homofobia salatzea baino ez... Ezta?

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa