Altsasuko auziko zigortuetako batzuk atxilotu ditu gaur Guardia Zibilak, eta Durangon elkarretaratzea eta manifestazioa egin dituzte, 20:00etan, Andra Marian. Protesta zaratatsua izan da. Maddalen Iriarte EH Bilduko parlamentaria eta Julian Ríos Durangoko Herriaren Eskubidea alderdiko zinegotzia manifestazioan izan dira, besteak beste. Zaldibarren ere manifestazio zaratatsua egin dute.
Berria hedabideak azaldu duenez, epaileak espetxera bidali ditu goizean Altsasun atxilotutako lau gazteak. 2 eta 13 urte arteko zigorrak ezarri dizkie Auzitegi Nazionalak, 2016ko urrian herriko jaietan Guardia Zibilekin gertatutako iskanbila baten ondorioz.