Aurtengo lehenengo aldia 2004 eta 2005 urteetan jaiotakoei bideratuta dago. “Asmoa da despedida ekitaldia izatea errugbi eskola utzi eta klubeko jokalari izango direnentzat; agur esateko modu bat, baina errugbi zelaian gozatzen jarraituz”, azaldu dute DRTko kideek ohar batean.
Zapatu honetan, 11:00etan, batuko dira Durangoko Arripausuetan. La Unica (Iruñea), Cisneros (Madril), Gaztedi (Gasteiz) eta Independiente (Santander) taldeak gonbidatu dituzte.
Topaketa honek berezitasun bi izango ditu. Batetik, ez da markagailurik egongo, beraz sailkapenik ere ez; horrekin jokariak jokoaz baino ez daitezen arduratu lortu gura dute. Bestetik, taldeetako batek, Barbarians-ek, edizio honetan Bambinarians izenez jardungo du, eta talde guztietako jokalariek osatuko dute. Halaber, Bambinarians taldearen partida bakoitzean, jokalari guztiak ariko dira zelaian, txandaka.