Zauri horiek aipatu ditu Koldo Katxo jesuitak ere. "Zauriok, gorputzetan ez ezik, bihotzean ere iraun dute". 75 urte bete dira jesuiten eliza berri altxatu zutenetik, eta horregatik, erakusketa ipini dute ateetan. Gainera, sasoi hartako irakasle errepresaliatuak gogoan izan ditu Katxok.
Gerediagak antolatutako ekitaldian Kriskitineko dantzariek ere parte hartu dute, eta Aitor Bizkarra eta Txaber Altube bertsolari abadiñarrek abestu dute amaieran.