Sutea gauean piztu da, 12:50 inguruan, Durangoko Sanrokebide kaleko 10. zenbakiko etxebizitza batean. Suhiltzaileek eraikina desalojatu dute eta sua piztu den etxebizitzatik pertsona nagusi bat erreskatatu dutela azaldu du ertzaintzak. Pertsona hori kea arnastearren Galdakaoko ospitalera eraman dute. 01:30 inguruan bizilagunak beraien etxeetara bueltatu ahal izan dira.