Hortaz, Gobernu Taldearen eta ETSren arteko konpromisoak indarrean darraiela gogoratu dute. "Errekurtsoaren izapidetza onartzeak, ez du suposatzen ezer, ez inolako iritzi edo pentsamenduren baieztapenik, ezta egiaztapenik ere. Ez du ezer esan nahi, eta inola ere ez du aurretik juzgatzen aipatutako prozeduran eman litekeen azken ebazpena". Era berean, Gobernu Taldearen ustez auzibide honek "durangarrei eta ondorioz bere ongizateari eta udalerri honen garapenari kalteak sor diezaizkioke".
Oharrean, EAJ-PSE-EEko ordezkariek mezua bidali diete oposizioko bi alderdiei: "Talde hauei oposizio erantzule eta arduradunarekin jarraitzeko eskaera egiten diegu, azken finean, hori baita hautetsontzietan emandako mandatua, eta bakarrik onura mediatikoa lortzeko helburua duten trikimailuak alde batera uzteko.
