Bederatzi ikuskizunetako zazpi San Agustin kulturgunean izango dira, eta gainontzeko biak kalean. Horietako bat Ganso&Ciaren azken lana izango da, Babo Royal. Durangon izango da aurrestreinaldia. Peter Shuben Stand Up and Fall Down ere nabarmendu dute; ibilbide oparoa du Shub estatubatuarrak aktore moduan.
Emanaldiez gainera, klowngintzan prestatzeko aukera zabala eta kalitatezkoa eskaintzen dute Topaklownen. Bederatzi ikastaro egingo dituzte, eta guztietarako daude beteta plazak. Peter Shuben kasuan, irakasle ere arituko da.