Mugarrak antolatuta, Durangoko 11. Duatloia lehiatuko dute domekan

Joseba Derteano 2018ko mar. 22a, 09:40

Mugarra Triatloi Taldeak, Euskadiko federazioaren laguntzagaz, Durangoko 11. Duatloia antolatuko du domekan. Sprint modalitatean, euskal zirkuituaren barruko bosgarren proba izango da.

Ezkurdin hasi eta amaituko da duatloia. Emakumeena 10:45ean hasiko da eta gizonena, 11:00etan.  Korrika egin beharreko ibilbidea herrigunean zehar izango da. Bizikletako 18,5 kilometroetan Goiuritik eta Garaitik ibiliko dira. Garain buelta hartu eta Durangora itzuliko dira.

Gaztetxoei begirako duatloi bat ere antolatu dute, 13:00etan, Ezkurdi inguruan. Izen-ematea aurretik —www.mugarratt.com webgunean — edo probako egunean bertan egin dalteke.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!