Geu Be elkartearen aldeko zumba maratoia egingo dute domekan

Geu Be elkartearen aldeko zumba maratoia egingo dute domekan

Hirugarren edizioa beteko du Maria Elgezua eta Olga Otero zumba irakasleek antolatzen duten elkartasun maratoiak. Landako I kiroldegian izango da, 10:30etik 13:00etara bitartean.

Sarrerak salgai dituzte begiraleek, eta eskuragarri egongo dira Geu Beren egoitzan, kiroldegian eta Abadiñoko Simply hipermerkatuan. 7 euro balioko dute, elkartasun-dohaintza lez eskatu dutena hain zuzen ere.

Hainbat zumba irakasleren laguntza edukiko dute, hainbeste denboran iraun ahal izateko. Iaz ehunka lagun batu ziren, eta aurten kopurua handitzea espero dute antolatzaileek.