Durangoko etxe hutsak identifikatzeko ekimena abiatu du Zabalduko Ditugu gazte taldeak

Anboto 2018ko ots. 24a, 12:27

Buzoietan pegatinak jarri dituzte eta etxebizitzetan bizi direnei euren buzoikoa kentzeko eskatu diete. Postontzietan geratzen diren pegatinen bidez hutsik dauden etxeak identifikatu gura dituzte.

Ondoren, etxe hutsen jabeekin hartuemanetan jartzen saiatuko dira. "Zertarako? Etxe horiek gazteei alokatzeko, hauen baldintzetara egokituz", azaldu dute ohar batean. Zabalduko Ditugu gazteen etxebizitza eskubideari eta emantzipatzeko arazoei aurre egiteko sortutako gazte taldea da eta alokairu sozialaren baldintzak lortzea du oinarrizko helburu.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!