Udaltzaingoak era positiboan baloratu ditu datuak eta "kalitatezko zerbitzuak bermatzen jarraitzeko eta Durango udalerri lasai eta seguru bat izaten jarraitzeko urratsak ematen" jarraituko duela adierazi du. Interbentzioez aparte, zenbait ikastaro ere egin dituzte formazio lez. Esaterako, suhiltzaileekin koordinazioa lantzen ibili dira. Gainera, bide zirkulazioan hobekuntzak eman asmoz, kanpaina bereziak egin dituzte gazteekin eta nagusiekin.
Aitziber Irigoras alkateak udaltzainen lanaren zailtasuna nabarmendu du. "Durangoko herritarrekiko konpromisoa eta profesionaltasuna agerian jartzen duten datuak dira".
47 udaltzainek osatzen dute taldea, eta horietatik 6 soilik dira emakumeak. Batezbesteko adina, ostera, 44 urtekoa da.