Ziritzako eta Bustintzako garajeetan lapurtutako autoa A-8an agertu da abandonatuta

Fumbarri enpresaren aurrean dauden Ziritza eta Bustintza kaleetako garajeetan lapurreta egin dute, gaur gauean, 04:00ak inguruan. Bizilagunek azaldu dutenez, trasteleku ugaritako ateak apurtu dituzte eta barrura sartu dira. Besteak beste, auto bat eta hainbat bizikleta eraman dituzte. Lapurtutakoarekin A-8 autobidean sartu dira, baina Zornotza parean istripua izan dute. Horrela, lapurrek autoa bertan utzi dute ostutako hainbat gauza barruan zeudela. Ertzaintza kasua ikertzen ari da.