Oraindik ere hainbat matxura eta arazo daudela ohartarazi zuen Eider Uribe zinegotziak. Oposizioko lehen alderdiaren ustez, gainkostu hori enpresa eraikitzaileak ordaindu beharko luke, ez udalak, herritarren dirua erabilita. Gainera, enpresak abal bat eduki duela, eta udalak hori bueltatu izana ere kritikatu zuen Uribek. Bada, udalak erantzukizunak eskatuko ditu, EH Bilduren proposamena PPk ez beste guztiek babestu zutelako
EAJko Goiztidi Diazek adostasuna agertu zuen, ardura eskatzeko arazorik ez dutela argituta. Pilar Riosek (PSE-EE) uste du enpresa eraikitzailea eta diseinua egin zuena direla erantzuleak. Julian Riosi (Herriaren Eskubidea) “harritzekoa” iruditzen zaio 2010etik hona gai honetan pausorik eman ez izana, eta informazioa eskatu zuen.