anboto.org

Aire kutsatua arnasteko beldurrez

  Gizartea  Durango

Aire kalitateagatik kezkatuta, hainbat herritar elkartu dira gaur Durangoko Azokaren parean, euren aldarria zabaltzeko. Durangoko dozena bat elkarte, alderdi eta sindikatuk egin dute bigarren deialdi hau, joan zen barikukoa eta gero. 

Azken hileetan zabaldutako kezkaren harira, "erantzunak" eskatu dizkiete instituzioei, eta "beharrezko neurketa guztiak egitea" ere bai. Izan ere, eguneko ordu batzuetan neurgailuak eteten direla salatu dute mobilizazioaren deitzaileek. 

Durangoko Azoka gizarte aldarrikapenen topaleku izaten da sarritan. Gaur, airearenaz aparte, LAB eta CCOO sindikatuek protesta bana egin dute, eta Independentistak sareari erantzunez manifestazioan batu dira ehunka lagun, Espainiako Konstituzio Egunaren harira. 19:00etarako, bestalde, larriki gaixorik dauden presoen aldeko mosaiko bat prestatu du Sarek, Santa Ana plazan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa