anboto.org

Felix Ibarrondoren hiru estreinaldi, Silboberriren urteroko zitan

  Kultura  Durango

2005az geroztik, Silboberri txistu taldeko kideek Durangoko Azokako egunetan ‘Txistua XXI.mendean’ zikloa antolatzen dute. Aurten ere, Durangoko Azokara bisitan datozen lagunek urteroko kontzertura joateko aukera izango dute.

Abenduaren 9an, 19:30ean, San Frantziskoko elizan egingo den ikuskizunean Felix Ibarrondo musikariaren hiru estreinaldiz gozatzeko aukera izango dute.

Lehenengo estreinaldia Aitor Amilibaren eskutik joango da; bigarrena, François Rossé konpositorearen eskutik; eta hirugarrena, Txaber Fernandezek zuzenduko du. Fernandezek zuzendutako Aruntzka lanean Jose Antonio Hontoria, Xabier Calzada, Sergio Barranco, Maddi Arana, Ivan Casado, Elur Arrieta eta Iñar Sastre musikariak arituko dira.

‘Txistua XXI.mendean’ zikloko bigarren zatian, berriz, txistuagaz soilik jotako melodiez gozatzeko aukera egongo da. Sergio Torices txistulariak  Maria Eugenia Luc konpositorearen abestia joko du.

Silboberriren jaialdiari Iñaki Martinek eta Fernando Aurrekoetxeak emango diote amaiera, Iñaki Estradaren Hiru eta Mikel Chamizoren Danbor lanak jota.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa