anboto.org

Euskaraldiaren lehen hazia erein dute Durangon

  Gizartea  Durango

Euskaltzaleak aktibatzea helburu duen Euskaraldia egitasmoa aurkeztu dute, gaur, Durangon. Ekitaldi honetan, Karrika antzerki taldeak euskaldunok hainbat alditan bizi ditugun egoerak islatzen dituen antzezlana taularatu du. Euskal Herri osoan hedatuko den egitasmoak Durangon lehenengo hazia jarri du. 

Ane Abanzabalegi AEK-ko kideak aurkezpenean azaldu duenez, 2018ko azaroaren 23tik abenduaren 3ra, 11 egunez Ahobiziak eta Belaprestak izatea da helburua. Dagoeneko hainbat eragile batu dira egitasmora (AEK, EHE, Berbaro, ANBOTO, Plateruena, Ibaizabal ikastola eta Durangoko Udala). "Baina, bide baten hasiera baino ez da hau, zerrenda handitzea da helburua. Jakin, guztiok zaudela gonbidatuta", gaineratu du Abanzabalegik. Ekitaldian bertan egitasmoan parte hartu ahal izateko eskuorriak banatu dituzte.

 

Hizkuntza ohituretan eragitea da Euskaraldiaren helburua. Horregatik, Ahobizien eta Belarripresten figurak sortu dituzte. Ahobiziak euskaraz berba egiteko gai direnak dira, eta beraien egunerokoak euskaraz berba egingo dutenak. Belarriprestak berriz, euskara ulertzeko gai direnak dira. Besteak euskaraz ari direnean beraiek gazteleraz erantzun arren, elkarrizketaren hizkuntza ez aldatzeko konpromisoa hartuko dute. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa