Zabor bilketa herritar askoren kexa iturri da Durangon. Kontainerrak egoera txarrean daudela, auzo batzuk ez direla behar beste garbitzen... herritarrek kalean eta sare sozialetan sarri egin izan dituzte kexak. EH Bilduk prentsaurrekoa eskaini du kontratu berri baten beharra azaleratzeko; duela urte bi eta erditik luzatuta dago gaur egungoa. Udal azterketa bateko datuak aintzat hartuta, auzoen arabera garbiketa desberdina dela salatu du EH Bilduk. Durango 12 eremutan banatzen da garbiketa egiteko, eta diotenez, 7tan egunero garbitzen den bitartean, besteetan astean birritan soilik. San Fausto auzoaren kasuan, astean behin ere izan ohi da.
Bestalde, alderdiak dio aurten 174 bider konpondu dituztela zaborra batzeko eta kaleak garbitzeko tresneriak. Lurpeko zaborrontzien kasuan, 60 konponketa egin dituzte.