Zumaiako sortzaileak, aurten argitaratu duen Berriak jaio ginen liburua aurkeztuko du solasaldian. Ukitu autobiografiko bategaz, 80ko eta 90eko hamarkadetako bertsolaritzaren eraldaketa da abiapuntua, eta handik honainoko eboluzioa ere kontatzen du. Sasoi hartan bertso eskoletako lehen ikasleak plazara irteten hasi ziren, eta kantu inprobisatua erdal-guneetara zabaltzeaz gainera, bestelako adierazpen artistiko batzuekin hartu-emanak sortzen hasi ziren.
Hilaren 16an Andoni Egaña etorriko da Plateruenera, eta 23an Mari Luz Esteban antropologo eta feminista. Kasu horretan, Erika Lagomak elkarrizketatuko du.