Urriaren 12an, adin txikiko bati eginiko lapurreta baten harira irten ziren udaltzainak, eta hor gertatu zen lehen erasoa. Atzo, 30 urteko gazte bat istiluak sortzen zebilen, eta agenteak etxera eramateko ahaleginean zeudela, gazteak lurrera bota zuen udaltzain bat. Ondorioz, buruan kolpe handi bat hartu zuen, langile komiteak azaldu duenez.
Durangoko udaltzainek jaietan pairatutako eraso bi salatu ditu langileen komiteak
Urriaren 12an eta 22an udaltzain biri eraso egin zieten, irteera bi egin zituztenean. Atzo bertan izan zen bigarrena, eta udaltzaina ospitalera eraman behar izan zuten. Udaleko zentro arteko komiteak zaurituei eta euren familiei babesa erakutsi die, eta udal gobernuari neurriak hartzea eskatu dio, legalak eta gobernukoak, "horrelako gertaerak gauzatu ez daitezen eta batez ere bortxazko erasoak zigorgabe gera ez daitezen". Bestalde, udalak adierazi du prozesu judizialean akusazio partikular lez parte hartuko duela. Aitziber Irigoras alkateak kontaktu zuzena eduki du zauritutako udaltzainekin egunotan.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!