Durangoko jaiak

Durangoko jaietan 22 lapurreta egon dira dagoeneko

Markel Onaindia 2017ko urr. 17a, 10:44

Udaltzaingoak sanfaustoetako lehenengo asteburuko balantzea egin du, eta guztira 25 salaketa erregistratu dira, lapurretak, lesioak eta trafikoaren aurkako delituak kontuan hartuta. Lapurreten atalean, bi indarkeria erabilita egin dituzte; bat arma zorrotz bategaz, lepoan zauria eraginda. Salaketetako 11 mugikorra lapurtzeagatik izan dira eta 4 diru-zorroak kentzeagatik.

Indarkeria erabilitako beste kasuan, adingabe batek beste adingabe bati egindakoa izan da. Biktima anbulatorioan artatu behar izan zuten, eta erasotzailea atxilotu zuten. 

Bestalde, Udaltzaingoak pare bat borrokaldiren berri eduki du, baina ez ei da ezer larririk izan, azaldu dutenez. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!