Figuranteen castinga egingo dute Medemen filmerako

Itsaso Esteban 2017ko ira. 15a, 14:30

Julio Medem zinema zuzendari donostiarraren El árbol de la sangre film berrian figurante lana egingo duten pertsonak hautatzeko probak egingo dituzte, datorren martitzenean, Durangon.

Madrilgo Penelope agentziak jakitera eman duenez, Gran Hoteleko Urkiola aretoan izango da castinga, irailaren 19an, 14:00etatik 21:00etara. Ordaindutako lana izango da, eta Gizarte Segurantzan alta emango diete hautatuei.

Azaldu dutenez, 16 eta 70 urte arteko emakume eta gizonak beharko dituzte filmean agertzeko. Parte hartu gura dutenek NANa, dokumentu horren fotokopia eta gaur egungo argazki bat eraman beharko dute.

Asteon aurreratu dutenez, urriaren 12an, 13an eta 16an Durangon egingo dituzte El árbol de la sangre filmeko hainbat eszenaren grabaketa lanak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!