Bost urtetik aurrerako umeentzako antzezlanagaz hasiko dute kurtsoa San Agustinen

Itsaso Esteban 2017ko ira. 14a, 16:00

Domeka honetan zabalduko ditu Durangoko San Agustin kulturguneak uda ostean, lehenengoz, ateak. Behibi’s taldearen Egunen batean umeentzako antzezlana izango da, 18:00etatik aurrera, ikusgai. Bost urtetik aurrerako ikuslegoarentzako obra da, Lierni Fresnedo eta Patricia Francok sorturikoa.

Isabelle Carrier-en Lorenzoren kazoa ipuinean oinarrituriko antzezlana da Behibi’s taldeak Durangon eskainiko duena. Heziketa inklusiboaren onurak azaltzen ditu ipuinak, eta aniztasunaz hausnartzeko proposamena da ikuskizunekoa. Gizartean "normaltzat" hartzen denetik aldentzen denak bizi dituen emozioak ditu obrak hizpide.  

Edozein etxetan ohikoak diren tresnak (pertxak, arropak edota euritakoak...) baliazen dituzte eszenografia bezala, eta bigarren eskuko arropa biltegi batean dago kokatuta istorioa. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!