Bizkaia-Durangok Plouay-Lorient Agglomération lasterketan parte hartuko du zapatuan

Zapatuan Bizkaia-Durango taldeak UCI Women’s World Tourreko Plouay-Lorient Agglomération proban parte hartuko du Bretainian (Frantzia). 

Bretainiako lasterketak 121,5 kilometroko ibilbidea izango du. 13:40an Plouaytik abiatuko da, eta aurreikuspenen arabera 16:50ean amaituko da herri berean. Zailtasun handiena Côte de Ty-Marrec igoerak izango du.

Agurtzane Elorriagak zuzendutako taldeko bost txirrindularik parte hartuko dute lasterketan: Lourdes Oyarbide, Lierni Lekuona, Lorena Llamas, Špela Kern eta Clara Playán.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.