EH Bilduk gogoratu duenez, "azken hilabeteetan hainbat dira Euskal Herrian eta bereziki Durangaldean gertatu diren lan istripuak eta horren aurrean erantzun tinko bat eman beharra dago, neurriak hartu eta lan istripuen arazoari konponbidea bilatzeko". Koalizioak azaldu duenez, osasun arazoez eta istripuez gainera, segurtasun eza eta prebentzio neurri falta salatu izan dituzte Fumbarrin.
Durangoko EH Bilduk bat egiten du enpresa komiteak deitutako lanuzte eta mobilizazioekin. Herritarrei ere dei egin diete, astelehenean, 12:00etan deitutako kontzentrazioan parte hartzera.
