Platerueneko jazz zikloaren azken zita bihar

Itsaso Esteban 2017ko uzt. 18a, 09:50
Deskargatu Info Ahotsak :

Musikazale askoren bilgune izan da ekain amaieran eta uztailean Durangoko Plateruenean lehenengoz egin duten Jazzeruena zikloa. Uztailaren 19an, Elkano Browning Cream taldea arituko da programazio barruko laugarren eta azken emanaldian.

Mikel Azpiroz pianista donostiarrak, Frank Mantegari bateria-jotzaile paristarrak eta Dave Wilkinson gitarrista ingelesak AEBetan sortu zuten hirukotea da Elkano Browning Cream, 2007an lehen diskoa kaleratu zuena.

Goi mailako lau jazz kontzertu jan-edanean gozatzeko aukera eskaini du uda giroan Jazzeruenak, Kafe Antzokiko terrazan. Ekainaren 28an, Trizak taldeko Jon Piris, Hasier Oleaga eta Julen Izarra musikariek zabaldu zuten egitaraua; Asier Elias bateria-jotzaile durangarraren laukotea ere aritu da. Herenegun, Juan de Diego tronpetista bilbotarra eta bere taldea izan ziren Platerueneko gonbidatuak.

Kultura Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!