Elkarteak duen egoitzaren bueltan izango dira ekitaldirik gehienak, bihar gauez hasi eta domeka arratsaldera arte. Hain zuzen, etzi egingo dute ekitaldi garrantzitsuetako bat: Rociero eta Rociera nagusien hautaketa.
Zapatuan, 22:00etan, berbena musikala egongo da, eta gauerdian amabirjina aterako dute, erromeriaren atsedenaldian. Domekan Rocio estiloko meza eskainiko dute Jesuiten elizan, 10:30ean. Eguerdirako, runbak, sevillanak eta orotariko dantzak iragarri dituzte. 18:00etan amaituko da festa, amabirjina sartu ostean.