anboto.org

Adineko antzezleek hiru obra eskainiko dituzte, datorren astean, San Agustinen

  Kultura  Durango

Maiatzaren 25ean hasiko dute bi urterik behin egiten duten Adinekoen antzerki jardunaldiaren VII. aldia, Durangon. Lau emanaldi eskainiko dituzte programazio horren barruan, San Agustinen. Durangoko Gora Ta Gora taldearen lan berriaren bi emanaldik itxiko dute zikloa, eta adinekoen beste bi antzerki talde ere ariko dira, San Agustinen: Etxebarri eta Gernikako taldeak gonbidatu dituzte. 

Adineko antzezleek hiru obra eskainiko dituzte, datorren astean, San Agustinen
Vicenta Tabera, Pilar Rios, Izaskun Asua, Anunciación Varas eta Argiñe Larrategik aurkeztu dute antzerki jaialdia, gaur. | Ikusi handiago | Argazki originala

Maiatzaren 27an estreinatuko du Durangoko Gora Ta Gora adinekoen antzerki taldeak No hay mal que por bien no venga antzezlana. 19:00etan izango da estreinaldia, eta baita 28an eskainiko duten bigarren emanaldia ere. Senarra hil zaion Jacintaren istoria kontatzen du Durangoko adineko 10 aktorek antzeztuko duten obrak. Taldea zuzentzen duen Izaskun Asuak idatziriko testua da oholtzaratuko dutena, egilearen berbetan, obra komikoa den arren, osagai hunkigarriak ere badituena.

Etxebarriko taldeak lau antzezlan komiko labur eskainiko ditu, maiatzaren 25ean, 18:00etan; Ecografía muy húmeda, El agua milagrosa, El santo de la Isidra eta Novios de internet izenburukoak. Gernikako Arbola Zaharra taldeak, bestalde, Nunca es tarde obra eskainiko du, maiatzaren 26an, 18:00etan.

Doakoa izango da emanaldi guztietarako sarrera, baina Gora Ta Gora-ren emanaldirako gonbidapenak eskuratu beharra dago, aurrez. Durangoko Museoko takilan egin daitezke emanaldi horretarako rreserbak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa