Erdi Aroko paisaiak; herrixkak, basoak eta nekazaritzarako espazioak izenburupean antolatu dituzte aurtengo lau berbaldiak, eta maiatzaren 25ean eta ekainaren 1ean izango dira hurrengo bi hitzorduak. Durangoko Museoan, 19:00etan izango dira hitzordu biak.
Maiatzaren 25ean, Un lugar donde vivir y morir: Argiñeta hace 1200 años berbaldia eskainiko du Iñaki García Caminok. Arkeologi museoaren zuzendaria da Camino, eta VIII. eta XI. mendeen artean egun Argiñetako San Adrián ermita dagoen lekuan zegoen herrixkaren eta hilerriaren inguruan jardungo da, Durangon. Arkeologi Museoak 2012. eta 2014. urteen artean egindako azterketetan oinarrituko du Caminok bere berbaldia.
Ekainaren 1ean, bestalde, ¿Qué es un yacimiento arqueológico? La historia de los paisajes agrarios hitzaldia eskainiko du Juan Antonio Quirós EHUko arkeologia katedradunak. Arabako hainbat adibide oinarritzat hartuta, Euskal Herriko nekazal paisaien inguruan mintzatuko da katedraduna.