Dantza modernoen kategorian 1.000 euroko lehenengo saria eskuratu du L’Atelier akademiako Boomshock taldeak; Feel the sound taldeak kaleko dantzen junior kategoriako lehenengo saria (300 eurokoa) jaso du; eta dantza urbanoen kategorian lehenengo saria (2.000 euro) Ethan Lopez eskolako irakasleari eta The Jungle bere taldeari eman diote.
Bilbon ere saridun Lopez
Madrilen lorturiko hori ez da izan Ethan Lopez dantzariak asteburuan jaso duen sari bakarra. Bilbon jokatu zuten Break On Stage dantza lehiaketan ere sariduna izan zen L’Atelier akademiako irakaslea. Europa mailako lehiaketan break dance kategoriako hirugarren saria eskuratu zuen Lopezek Feel the Sound taldeagaz, eta kaleko dantzen lehenengoa The Jungle taldeagaz.