Arte Ederren Museora irteera antolatu du Andraguneak

Martxoaren 1ean Bilboko Arte Ederren Museoa bisitatzeko irteera antolatu du Andraguneak. Gaur zabaldu dute irteeran parte hartzeko izen-ematea. 94-4657092 telefonora deituta edo andragunea@durango.eus helbidera idatzita eman daiteke izena.

Pinturaren historian korronte desberdinek emakumea zelan irudikatu duten aztertuko dute bisita gidatu horretan. Alicia Garcíak emango ditu azalpenak.