Ezkurdiko aretoan daude ikusgai gazteen arte lehiaketara aurkezturiko lanak

Anboto 2017ko urt. 12a, 17:21
Deskargatu Info Ahotsak :

Olatz Elgezuaren 'Elefante' obrari eman diote lehenengo saria.

Urtarrilaren 15era arte, Ezkurdiko udal aretoan daude ikusgai Durangaldeko gazteen arte lehiaketara aurkezturiko lanak. Tartean daude, lehenengo saria irabazi duen Olatz Elgezuaren Elefante, bigarren saria eskuratu duen Irene Soldevillaren A la deriva, hirugarren sailkatu den Nerea Larrinagaren Martin, eta sari berezia jaso duen Eukene Navasen La vida a color.

Lehenengoz antolatu dute Durangoko ikastetxeetako 12 eta 18 urte arteko eskualdeko gazteei zuzenduriko margo lehiaketa hori, eta lau sari nagusiez gain, hamar akzesit ere banatu dituzte.

Urtarrilaren 8an, Ezkurdiko udal aretoan, egin zuten lehiaketaren sari banaketa ekitaldia. Domeka honetara arte izango da Durangaldeko artista gazteen lana areto horretan ikusteko aukera.

Kultura Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!