Eskafoide haustura lesio larria da korrikalarientzat. Hezurrek lurraren kontra eta beraien artean inpaktatzean bibrazioak sortzen dituzte eta muskuluek eta tendoiek bibrazio horiei ezin dienean erantzun hezurrek hartzen dituzte kolpe guztiak eta pixkanaka hausten hasten dira. “Normalean hezurrak bakarrik osatzen dira, beraz, esfortzu gutxi eta hanka lurrean ahalik eta gutxien jartzea gomendatu didate”. Lau hilabetez minagaz egon den arren, “limiteraino joatea gustatzen zaigu kirolariei eta nahiz eta min izan jarraitzea nahi dugu, baina gelditzeko ordua heldu da”.
Denboraldiko txapelketa gehienak datoz orain eta Garciarentzat, “pena bat da baina denboraldia bukatu zaidala onartzea tokatzen da”. Hezurrek normalean bi hilabeteko denbora bat behar dute sendatzeko eta gero errehabilitazio lanak hasi beharko ditu. Atleta durangarrak korrika egiten jarraitu nahi du baina “momentu honetan ondo sendatzea da nire helburua eta ez dut besterik pentsatzen”.