Orain arte gela hau hitzaldi eta batzarretarako erabiltzen zen eta erakusketek ez zuten garrantzia nagusia izaten. Hormak margotu eta aulkiak eta mahiak kendu dituzte, horrela, eguenetik aurrera erakusgela bihurtuko da. Museora bisitan doazen lagunek hirugarren solairua beste erakusketa gela bat bezala aurkituko dute. Hala ere, hitzaldiak, mahai-inguruak, eta abar, egiten jarraituko dute.
Gelan zeuden koadroak lekuz aldatu dituzte eta gordeta egon diren batzuk erakusgai egongo dira solairu honetan. Eguenean, Museoko gordetegitik aterako dituzte Durangaldeko artista baten bost koadro berri jarriko dituzte eta bertan egongo dira ikusgai.