Gaur goizean Joseba Jakaren Oroimenezko 14. Lasterketa lehiatu dute Durangoko kaleetan. Ibilbideak sei kilometro zituen. Gizonetan Durango Kirol Taldeko Ekaitz Kortazar durangarra izan da azkarrena: 19.08. Lau segundo atera dizkio Txomin Marañon durangarrari (Durangaldea Running) eta zortzi segundo Aitor Mimenza elorriarrari (DKT).
Emakumeetan Irene Loizate durangarrak irabazi du: 21.31. Oihana Azkorbebeitia abadiñarra sailkatu da bigarren (23.03) eta Sonia Solar kantabriarra hirugarren (24.08).
