Biharko, Gazte Eguna antolatu dute txosnetan. 13:30ean kamiseta banaketa egingo dute, eta 14:30ean bazkaria. Azken urteetan, ehunka gazte batu izan dira bazkari horretan, eta bihar ere seguru giro itzela biziko dutela. Bazkalosterako, ekitaldia, olinpiadak eta elektrotxaranga iragarri dituzte.
Marmitakoa, 25. edizioan
Bestalde, bihar ere, ohiturazko marmitako txapelketa jokatuko da Landako Gunean, 10:00etan hasita. Txapelketaren 25. edizioa izango da aurtengoa, gainera.
Umeen egun berezia
Jaiak bereziak izaten dira umeentzat, baina oraindik eta bereziagoa izango da domekako eguna, Umeen Eguna baita. Ezkurdin haur parkea ipiniko dute, eta musika eskola inguruan beste hainbat jolas ere bai. Eguneko unerik hunkigarrienetako bat 12:30ean biziko da, La Cuadri Del Hospiko umeak, minbiziari aurre egiten dabiltzanak, udaletxera igotzen direnean txupinazo txikia botatzera.