2001ean atxilotu zuten Andueza, eta Espainiako hainbat kartzelatan eman dituen urteotan garatu du margogintzarekiko zaletasuna. “Irakaslerik eta apenas materialik gabe”, bere kabuz landu du zaletasuna. “Pastel barrak, bere atzamarrak, paperen bat eta zotz bat” baliatu ditu, erakusketaren katalogoan azaltzen denez. Burua kartzelatik askatzeko bidea izan du Anduezak margotzea: “Eskuetan margoak hartzen ditudanean, espetxetik ihes egiten dut”, dio durangarrak.
Erakusketaren katalogoan esaten denez, jendea margotzea da Oier Anduezak gustukoen duena, eta erretratuak dira Margoak. Leihoak. Ihesak erakusketako gehienak.
Uztailaren 17ra arte egongo da erakusketa ikusgai.