Egunean joan eta etorriko hiru zerbitzu bakarrik egoten dira, Tabiran geralekua duen eta hemendik aurrera Larrasoloetan ere geratuko den autobusean. EH Bilduk aurkeztu zuen mozioa, auzo batzarretako proposamenekin.
Bilkuraren aurretik, EAJk eta PSE-EEk azaldu zuten Aldundiagaz berba egin dutela, eta Larrasoloetan autobusa geratzea onartu dutela. San Faustoren kasuan, Elorrioko eta Ermuko autobusak geratuko dira. EH Bilduren arabera, Ondarroako autobusa geratzea gura dute auzotarrek, Galdakaoko ospitalera autopistaz zuzenean doalako. Baina, Pilar Ríos alkateordeak esan zuen Ondarroakoa linea azkarra dela, eta Aldunditik esan dutela ezin dela bertan geratu.
