Durangoko margo akademia horretan azken urteetan ikasi duten 80 bat ikasleren lana da Ezkurdiko udal aretoko erakusketan bildutakoa: eskola horretan ikasten dituzten askotariko tekniken, materialen eta gaien isla da bildumakoa. Erretratuak daude, Durangoko eta eskualdeko paisaien irudiak, bodegoiak, abstrakzio ukitua duten koadroak, eskulanak... Kurutziaga margo akademian ikasitako tekniken bitartez bertako ikasleek urteetan landutako askotariko margolanak dira erakusketakoak.
Kurutziaga akademiako margolariak, Ezkurdin
Durangoko Kurutziaga margo akademiako ikasle helduen margolanen erakusketa dago, otsailaren 19tik, Durangoko Ezkurdiko erakusketa aretoan. Asteburu honetakoa izango da erakusketa bisitatzeko azken aukera. Gaur, 18:00etatik 20:00etara egongo da erakusketa zabalik, eta eguerdiz eta arratsaldez (12:00-14:00, 18:00-20:00) bihar eta etzi.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!