Onintza Enbeita, Maialen Lujanbio, Beñat Gaztelumendi eta Amets Arzallus bertsolariek kantatuko dute aurten, Durangoko Urteko Azken Bertso Saioan, eta sarrerak Plateruenean bertan zein Berbaro elkartearen bulegoan eskuratu daitezke: 5 euroan Berbaroko kide izanik, eta 8 euroan, bestela.
Bertsolaritzari lotuta, beste hitzordu bat ere badakar Plateruena Kafe Antzokiko urte amaierako programazioak. Abenduaren 29an, 19:00etan, Xalbador, izana eta izena dokumentala emango dute Plateruenean, eta solasaldirako aukera ere luzatuko dute. Eneko Dorronsoro dokumentalaren zuzendaria eta Xabier Amuriza gonbidatu dituzte solasaldira.