#365ipuin lehiaketako sari banaketa ekitaldia

Berbaro Taldeak ipuin laburren bigarren lehiaketa antolatu du. Guztira 400 ipuin inguru jaso dira lehiaketan, eta Plateruenean ipuin onenen egileek sariak jasoko dituzte, Durangaldeko sortzaileen eskutik.

Sormenak leku berezia izango du sari banaketa ekitaldian. Izan ere, epaimahaia osatu dute Irati Eguren ilustratzaile durangarrak, Arkaitz Callado Itsua musikari durangarrak eta Lehior Elorriaga argazkilari zaldibartarrak. Sariak nork jasoko dituen erabakitzeaz gain, ipuin laburrekin sormen lan bat egin dute hiru sortzaileek.