Hainbat berbaldi
Gazteek euskaraz gaur egun jasotzen dituzten ikus-entzunezkoek transmititzen dituzten mezu sexisten inguruan jardungo du Katixa Agirre kazetariak Oihulari Klownen laguntzagaz. Horrez gainera, euskal zine industriaren belaunaldi berrien inguruko mahai-ingurua antolatuko dute. Lara Izagirre zuzendaria, Joseba Usabiaga aktorea, Irune Gurtubai ekoizlea eta Miren Manias ikertzailea izango dira mahaiaren bueltan. Zinea.eus-eko kideek gidatuko dute solasaldia.
Loreak azokan
Jon Garaño eta Jose Mari Goenaga zine zuzendariek ere Irudienea bisitatuko dute astelehenean, Loreak filmari buruz berba egiteko. Antolatzaileek diotenez, honela ziklo bati amaiera emango diote. Izan ere, bi zuzendariak Loreak aurkezten egon ziren proiektua oraindik gorpuztu gabeko ideia zenean, pelikula eginda zegoenean ere azokan proiektatu zen eta, oraingo honetan, pelikularen ibilbideaz arituko dira.
Film laburrak
Laburbirako bost filmez gainera, dantza gaitzat duten film laburrak proiektatuko dituzte Irudienean. Tartean Durangoko Bideografik ekoiztetxeak sortutako Dantza Flokak film laburra.