Ismael Iglesias artistak (Durango, 1974) Jose Julián Bakedano zinegilearen laguntzagaz hautatutako lanak dira erakusketakoak, 2008 eta 2015 urteetan artean egindakoak. Lau serie bildu dituzte erakusketan: Abstrakzio zinetikoa, Prácticas Bastardas, Temp. Files eta Strujen proiektuetako lanak.
Erakusketaren katalogoan azpimarratzen denez, "Iglesiasen ikerketarako eta esperimentaziorako grina" islatzen dute Durangoko Museoan bildutako lanek, izan ere, diziplina anitzeko artista da durangarra.
Arte Ederretan lizentziatu zen Iglesias, pintura eta ikus-entzunezko espezialitatean, eta azken urteotan atzerrian hainbat erresidentzia eta erakusketa egin ditu.