Durangoko Tronperri eta Txoritxu Alai taldeko dantzariekin batera, Durangaldeko dozena erdi taldek ere parte hartuko dute emanaldietan: Berrizko Iremiñek eta San Lorentzok, Abadiñoko Talde Batuak eta Iluntzek, Zornotzako Udabarrik, eta Ermuako Txindurrik. Gainera, Sestaoko Salleko eta Legazpiko Korosti taldeak ere gonbidatu dituzte jaialdira.
Goizeko 11:30ean aterako den kalejiragaz hasiko dira domekako ekitaldiak, eta alardea egingo dute, 17:00etan, Ezkurdiko plazan (euria ari badu, Landako Gunean egingo dute).