Marlen Aranguren eta Susana del Amo gurasoak izan ziren mugimenduaren sustatzaileak, minbizia duten umeen gurasoek osatzen duten La Cuadri del Hospi elkarteak babestuta. Del Amok azaldu du Zebel rock taldekoek eduki zutela kontzertua antolatzeko ideia, eta begi onez ikusi zutela, hirugarren ikerketa bat diruz estaltzeko gutxi falta delako. Zebel, Hora 13 eta Guda Dantza taldeek joko dute 21:00etatik aurrera. 8 euroko sarreratik lortutako dirua erradioterapiak sortzen dituen eragin psikologikoak aztertzeko erabiliko dute.
Gainera, hezur-muin emaile izateko informazioa emango dute. Del Amoren arabera, martxoaren 15etik hona emaile ugari agertu dira.
