Ekainaren 5ean hasiko da txapelketa, eta partidu guztiak Durangoko Arripausueta kirol instalazioetan jokatuko dituzte. Lau bikotez osatutako ligaxkak izango dira lehenengo; beraz, bi partidu jokatzeko bermea izango dute parte-hartzaileek.
18 urtetik gorako edozeinek hartu dezake parte, eta bi kategoria bereiziko dituzte: emakumezkoena eta gizonezkoena. Ezin izango dute 32 bikotek baino gehiagok parte hartu. Ekainaren 3ra arte eman ahalko da izena, Abadiñoko Eroski saltoki-gunean, 19:00etatik 21:00etara. Izen ematea pertsonako 12 euro izango da gutxienez, eta hortik aurrera bakoitzak nahi duena eman ahalko du.
Iaz ere antolatu zuten honen antzeko txapelketa bat, eta, kasu hartan, Durangaldean baliabide urriak zituztenentzat bideratu zuten bildutako dirua, Gurutze Gorriaren bitartez. 1.660 euro inguru lortu zituzten iazko ekitaldian.