Iaz zorte ona eduki zuten, eta guztia ondo joan zitzaien. Beraz, aldaketa gutxi egin dituzte aurtengo ekitaldirako. Gauzak horrela, irteera iazko leku beretik izango da, Formigalgo estaziotik. El Pueyo de Jaca herriko Quinta Vista Alegre aterpetxean hartuko dute ostatu joaten direnek. Beti bezala, herritarrei animatzeko deia luzatu diete Alpino Tabira mendizale taldeko kideek.
Izen ematea hasita
Otsailaren 19ra arte eman ahalko da izena, eta 70 pertsona joan ahal izango dira gehienez.Bazkideek 25 euro ordaindu beharko dute, eta bazkide ez direnek, berriz, 40 euro.
Eski zeharkaldirako izena ematen duten lagunak zeharkaldiaren bezperan elkartuko dira, aipatutako ostatuan.
Informazio gehiago lortu daiteke 946 203 153 telefono zenbakian eta alpino@alpino-tabira.org helbide elektronikoaren bidez.