Durangoko Arkulariak elkarteak jakinarazi digunaren arabera, "meritu handia dauka, beste parte hartzaileekin alderatuz Elisabethek astean bi ordu besterik ez baititu estalita dauden instalazioetan entrenatzeko". Arkulari durangarrak, Intxaurrondoko eskola zaharretan, gaur egun Behargintzako eraikuntzan, entrenatzen du; larunbatetan goizeko hamaiketan hasita bi ordu. Espainiako txapelketa ostiral honetan hasi eta igandean bukatuko da, Castellonen.